Kash Patel : ભારતીય મૂળના કાશ પટેલને યુએસ ફેડરલ બ્યુરો ઓફ ઇન્વેસ્ટિગેશન (FBI) ના નવા ડિરેક્ટર તરીકે નિયુક્ત કરવામાં આવ્યા છે. તેમને યુએસ એટર્ની જનરલ પામ બોન્ડીએ શપથ લેવડાવ્યા હતા, જેને તેમણે તેમના જીવનનું “સૌથી મોટું સન્માન” ગણાવ્યું હતું. Kash Patel ભગવદ ગીતા પર હાથ રાખીને શપથ લીધા અને અમેરિકન નાગરિકોની સુરક્ષા સુનિશ્ચિત કરવાની પ્રતિજ્ઞા લીધી. Kash Patel મૂળ ગુજરાતના છે અને અમે તેમના ઘર વિશે લોકોના મનમાં રહેલા પ્રશ્નોના જવાબ આપી રહ્યા છીએ.
ગુજરાતથી અમેરિકા સુધીની સફર
Kash Patel ના મૂળ ભારતના ગુજરાતના આણંદ જિલ્લાના ભાદરણ ગામ સાથે જોડાયેલા છે. તેમના પૂર્વજો લગભગ 70-80 વર્ષ પહેલાં યુગાન્ડા સ્થળાંતર કરીને આવ્યા હતા, પરંતુ 1972માં સરમુખત્યાર ઈદી અમીન દ્વારા ભારતીયોને હાંકી કાઢવામાં આવ્યા પછી, તેમનો પરિવાર ભારત પાછો ફર્યો. ભારતમાં થોડો સમય રહ્યા પછી, તેમણે કેનેડામાં આશ્રય લીધો અને પછી અમેરિકા ગયા.
સમુદાય સાથે Kash Patel નું કનેક્શન
આણંદ જિલ્લાના છત્તીસગઢ ગામ પાટીદાર મંડળે તેમના પરિવારની 18 પેઢીઓની વંશાવળી નોંધી છે.જોકે કાશ પટેલનું નામ હજુ સુધી વંશાવળીમાં ઉમેરવામાં આવ્યું નથી, પરંતુ તેમના પરિવારની એન્ટ્રી હાજર છે.આણંદ જિલ્લા ભાજપ પ્રમુખ રાજેશ પટેલના જણાવ્યા અનુસાર, તેમના પરિવારે ભારતમાં પોતાની મિલકત વેચી દીધી છે અને હવે બધા સંબંધીઓ વિદેશમાં સ્થાયી થઈ ગયા છે.
ગુજરાતી સંસ્કૃતિ સાથે Kash Patel નું કનેક્શન
જોકે, કાશ પટેલે તેમના એક ઇન્ટરવ્યુમાં કહ્યું હતું કે, “આપણે ગુજરાતી છીએ.” ગુજરાતી સંસ્કૃતિ હજુ પણ તેમના કૌટુંબિક મૂલ્યો અને પરંપરાઓમાં જોઈ શકાય છે. કાશ પટેલની નિમણૂક એ અમેરિકામાં ભારતીય મૂળના લોકોના વધતા પ્રભાવનું બીજું એક ઉદાહરણ છે. તેમની યાત્રા બતાવે છે કે કેવી રીતે NRIs વિશ્વના સૌથી શક્તિશાળી દેશોમાં પણ મહત્વપૂર્ણ હોદ્દાઓ સુધી પહોંચી શકે છે.
કોણ છે Kash Patel
તમને જણાવી દઈએ કે કશ્યપ પ્રમોદ પટેલ, જે Kash Patel તરીકે ઓળખાય છે. તેમનો જન્મ 25 ફેબ્રુઆરી 1980 ના રોજ ન્યૂયોર્કમાં થયો હતો. તેમના માતા-પિતા પૂર્વ આફ્રિકાથી આવેલા ગુજરાતી ઇમિગ્રન્ટ્સ હતા. તેમણે કાયદાનો અભ્યાસ કર્યો અને રાષ્ટ્રીય સુરક્ષા સંબંધિત વિવિધ હોદ્દાઓ પર કામ કર્યું.
