Seema Haider get indian citizenship : પાકિસ્તાનથી ભારત આવેલી સીમા હૈદર ફરી એકવાર સમાચારમાં છે. ૨૭ વર્ષીય સીમાએ મંગળવારે સવારે ૪ વાગ્યે નોઈડાની કૃષ્ણા હોસ્પિટલમાં પુત્રીને જન્મ આપ્યો. આ તેમનું પાંચમું બાળક છે. પહેલા ચાર બાળકો તેમના પાકિસ્તાની પતિ ગુલામ હૈદરથી છે, જ્યારે આ તેમના 23 વર્ષીય ભારતીય પતિ સચિન મીણાથી પહેલું બાળક છે.
ભારતમાં જન્મેલા કોઈપણ બાળકને ભારતીય નાગરિકતા
આ ઘટનાક્રમ વચ્ચે સૌથી મોટો પ્રશ્ન એ ઉભો થાય છે કે Seema Haider અને સચિનના બાળકને કયા દેશના નાગરિક કહેવામાં આવશે – ભારત કે પાકિસ્તાન ? અહીં સૌથી મહત્વપૂર્ણ અને જાણવા જેવી બાબત એ છે કે, ભારતીય નાગરિકતા અધિનિયમ 1955 મુજબ, ભારતમાં જન્મેલા કોઈપણ બાળકને ભારતીય નાગરિકતા મળે છે.
Seema Haider નું બાળક ભારતીય
ભારતીય બંધારણ જન્મ દ્વારા નાગરિકત્વની જોગવાઈ કરે છે. જો બાળકના માતા-પિતામાંથી કોઈ એક ભારતીય નાગરિક હોય, તો તેમના બાળકને ભારતીય નાગરિક ગણવામાં આવશે. સીમાના બાળકને ભારતીય નાગરિક ગણવામાં આવશે કારણ કે તેની પુત્રીના પિતા એટલે કે સચિન ભારતીય નાગરિક છે. તેથી તેમને આ માટે કોઈ વધારાની અરજીની જરૂર રહેશે નહીં.
સીમા હૈદરની પ્રેમકથા અને ભારતની સફર
Seema Haider અને ગુલામ હૈદરના લગ્ન 2014 માં થયા હતા. થોડા વર્ષો પછી, ગુલામ હૈદર દુબઈ ગયો, જ્યારે Seema Haider તેના બાળકો સાથે પાકિસ્તાનમાં રહી. આ દરમિયાન, ઓનલાઈન PUBG ગેમ રમતી વખતે, સીમાની મિત્રતા ઉત્તર પ્રદેશના નોઈડાના રબુપુરાના રહેવાસી સચિન મીના સાથે થઈ ગઈ. બંને વચ્ચે નિકટતા વધી અને તેઓ 2023 માં નેપાળમાં પહેલી વાર મળ્યા.
બંનેએ નેપાળના એક મંદિરમાં લગ્ન કર્યા હોવાનો દાવો કર્યો હતો. આ પછી, સીમા પાકિસ્તાન પાછી ફરી, પરંતુ થોડા મહિનાઓ પછી, તે દુબઈ થઈને નેપાળ પહોંચી અને પછી બસ દ્વારા ભારત પહોંચી. અહીં તે રાબુપુરામાં સચિન સાથે રહેવા લાગી.
Seema Haider અને સચિન સામે કાનૂની કાર્યવાહી
પોલીસને આ વાતની જાણ ત્યારે થઈ જ્યારે સીમાએ ભારતીય ઓળખપત્ર બનાવવાનો પ્રયાસ કર્યો. ૩ જુલાઈ, ૨૦૨૩ ના રોજ, બંનેને હરિયાણાના બલ્લભગઢથી અટકાયતમાં લેવામાં આવ્યા હતા. આ પછી, Seema Haider અને સચિનની પૂછપરછ કરવામાં આવી અને થોડા દિવસો પછી તેમને જામીન મળી ગયા.
ભારતીય નાગરિકતા માટે અરજી
સીમા હૈદરે ભારતીય નાગરિકતા માટે રાષ્ટ્રપતિને દયા અરજી પણ કરી છે, પરંતુ તેમને હજુ સુધી નાગરિકતા મળી નથી. આ દરમિયાન, તેમના જીવન પર આધારિત ફિલ્મ ‘કરાચી ટુ નોઈડા‘ બનાવવાની જાહેરાત કરવામાં આવી હતી, પરંતુ ફિલ્મ હજુ સુધી બની નથી.
શું સીમાને ભવિષ્યમાં ભારતીય નાગરિકતા મળશે?
સીમા હૈદરની નાગરિકતા અંગેની કાનૂની પ્રક્રિયા હજુ પણ ચાલુ છે. જોકે, તેમની નવજાત પુત્રીને જન્મથી જ ભારતીય નાગરિક (Seema Haider And Sachin Meena Welcome Baby Girl) ગણવામાં આવશે. હવે જોવાનું એ રહે છે કે ભવિષ્યમાં સીમાને પણ ભારતીય નાગરિકતા મળે છે કે નહીં.
